▪️Түркістан облысында білім беру саласын дамыту, ұстаздардың кәсіби біліктілігін арттыру, оқу орындарының материалдық-техникалық базасын жетілдіру бағытында жүйелі жұмыстар жүргізілуде. Облыс әкімі Нұралхан Көшеровтің тапсырмасымен мектептердің оқу материалдары мен оқу құралдарын жаңарту, заманауи технологияларды енгізу, білім сапасын арттыруға басымдық берілу үстінде. Осы мақсатта жауапты басқармалар үнемі ізденіс жасап, жаңа идеяларды енгізу, педагогикалық тәжірибені жетілдіру жолдарын қарастыруға күш салып келеді.
▪️Осы орайда Түркістан облысы әкімінің орынбасары Ертай Алтаев «EdCrunch Academy» білім беру институтының негізін қалаушы, тәжірибелі педагог және білім саласының сарапшысы Нұрлан Қиясовпен арнайы кездесу өткізді. Кездесу барысында өңірдегі білім беру жүйесінің қазіргі жағдайы, кездесетін мәселелер, педагогтердің кәсіби дамуы және оқу процесін жетілдірудің түрлі бағыттары талқыланды. Атап айтқанда, облыста арнайы жобаны іске қосу ұсынылды, оның аясында 50 мектептің директорлары мен орынбасарлары кәсіби біліктілігін арттыру мақсатында оқытудан өтеді. Бұл жоба ұстаздардың заманауи әдістемелерді меңгеруіне, оқыту сапасын арттыруға, жаңа педагогикалық технологияларды енгізуге бағытталған.
▪️Сонымен қатар мектеп басшылары мен педагогтерге шетелдік тәжірибе жинау мүмкіндігі ұсынылды. Олар Еуропаның бірнеше елінде білім беру мекемелерінде болып, оқыту әдістемелері мен мектеп басқару жүйесін зерттеп, тәжірибе алмасады. Бұл өз кезегінде білім беру саласында жаңа стандарттарды енгізуге, мектептердегі оқу процесін жетілдіруге, білім алушылардың академиялық жетістіктерін арттыруға мүмкіндік береді. Облыс әкімінің орынбасары Ертай Алтаев аталған ұсыныстардың мұқият зерделенетінін, оларды өңірдегі білім сапасын арттыруға қолдану мүмкіндігі қаралатынын жеткізді. Қос тарап білім саласындағы ұсыныстарды терең талқылауға, тәжірибе алмасуға және пилоттық жобаларды жүзеге асыруға уағдаласты.
▪️Бүгінгі таңда Түркістан облысында 83 мыңнан астам ұстаз әрбір жас ұрпаққа сапалы білім мен тәрбие беруге атсалысып, аянбай еңбек етуде. Облыс мектептері мен балабақшаларында жұмыс істейтін педагогтердің кәсіби деңгейін көтеру үшін түрлі жобалар мен бағдарламалар іске қосылған. Мысалы, Мемлекет басшысының «1000 көшбасшы» жобасы аясында өңірден 600-ге жуық ұстаз іріктеліп, олардың 46-сы білім саласында жетекші қызметке тағайындалды. Бұл жобаның негізгі мақсаты – білім беру ұйымдарындағы басқарушылық қабілеті жоғары көшбасшыларды анықтау және оларды кәсіби дамыту.
▪️Сонымен қатар, «Daryn Teacher» халықаралық жобасы аясында 25 педагог Малайзия, Сингапур, Финляндия және Эстония елдерінде кәсіби тәжірибе жинақтады. Бұл сапар барысында ұстаздар шетелдік оқу әдістемелерімен танысып, жаңа технологияларды меңгерді, оқыту процесінде инновациялық тәсілдерді қолдану жолдарын зерттеді. Мұндай халықаралық тәжірибе педагогтердің кәсіби деңгейін арттырып қана қоймай, оқушылардың білім сапасын жақсартуға, мектептерде жаңа стандарттарды енгізуге және білім беру саласындағы реформаларды тиімді іске асыруға мүмкіндік береді.
▪️Осы ізденістердің нәтижесінде облыстың 152 мектеп түлегі шетелдің беделді жоғары оқу орындарына қабылданып, сапалы білім алу мүмкіндігіне ие болды. Бұл – облыс білім беру саласының дамуына, ұстаздардың кәсіби жетістіктеріне және оқушылардың академиялық жетістіктеріне жасалған нақты үлес. Сонымен қатар, білім беру мекемелеріндегі материалдық база мен оқу құралдарының сапасын арттыру, мектептерді заманауи технологиялармен жабдықтау жұмыстары тұрақты жүргізілуде.
▪️Бүгінгі таңда облыс мектептерінде ақпараттық технологиялар, заманауи оқу құралдары, мультимедиялық жабдықтар және электронды оқу платформалары енгізілуде. Бұл білім беру процесін жетілдіруге, ұстаздардың кәсіби шеберлігін арттыруға, оқушылардың білімді игеруіне және олардың шығармашылық қабілеттерін дамытуға бағытталған. Білім беру саласындағы осындай кешенді шаралар облыстағы оқу сапасын жаңа деңгейге көтеруге, педагогтердің кәсіби шеберлігін арттыруға және білім алушылардың академиялық жетістіктерін арттыруға мүмкіндік береді.
▪️Сондай-ақ, облыс әкімінің тапсырмасымен ұстаздардың педагогикалық шеберлігін арттыруға арналған семинарлар, тренингтер, шеберлік сабақтары тұрақты түрде өткізіліп келеді. Бұл іс-шаралардың басты мақсаты – педагогтердің заманауи әдістемелерді меңгеруін қамтамасыз ету, оқыту сапасын арттыру, мектептердегі басқару жүйесін жетілдіру, оқу процесіне инновациялық тәсілдерді енгізу, сондай-ақ оқушылардың шығармашылық, танымдық және әлеуметтік қабілеттерін дамыту.
▪️Білім саласындағы осындай жүйелі жұмыстардың арқасында облыс мектептерінде оқушылардың білім деңгейі көтеріліп, педагогтердің кәсіби шеберлігі артып, білім беру саласының дамуы тұрақты түрде қамтамасыз етіліп отыр. Сонымен қатар, облыстық білім басқармасы әрбір ұсынысты мұқият зерделеп, өңірде білім беру сапасын арттыру бағытында жаңа жобаларды жүзеге асыруға тырысып келеді.
Түркістан облысы әкімінің баспасөз қызметі