Мемлекет басшысының тапсырмасына сәйкес елімізде «Келешек мектептері» ұлттық жобасы қарқынды жүзеге асырылуда. Аталған жоба білім беру сапасын арттырумен қатар, оқушылардың жан-жақты дамуына қолайлы жағдай жасауға бағытталған.
Бүгінде мектептерде балалардың шығармашылық, зияткерлік және спорттық қабілеттерін дамытуға арналған түрлі үйірмелер жүйелі түрде жұмыс істейді. Атап айтқанда, дебат, вокал, домбыра, дойбы, баскетбол, би, футбол, волейбол, робототехника, қолөнер және басқа да бағыттар бойынша үйірмелер ұйымдастырылған.
Бұл бастамалар оқушылардың қызығушылығын арттырып қана қоймай, олардың бос уақытын тиімді ұйымдастыруға, дарын-қабілетін ашуға және болашақ кәсіби бағдарын айқындауға мүмкіндік береді.