Байдібек ауданындағы референдум учаскелерінің біріне анимациялық кейіпкер – «Кунг-фу Панда» костюміндегі азамат келіп, дауыс берді. Бұл көрініс тұрғындардың көңіл-күйін көтеріп, референдумға қатысудың маңызын қызықты форматта жеткізді.
Айта кетейік, республикалық референдум аясында Бәйдібек ауданында 50 дауыс беру учаскесі таңғы сағат сағат 07:00-ден бастап өз жұмысына кіріскен. Референдум учаскелерінде «Сайлау – мереке» фотоаймақ ұйымдастырылса, Шаян, Боралдай және Шалдар елді мекендерінде азық-түлік өнімдерінің жәрмеңкелері өтуде. Жалпы Түркістан облысы бойынша 947 референдум учаскесі жұмыс істеп тұр. Облыста 1 187 257 азамат дауыс беру құқығына ие. Қазіргі таңда облыс тұрғындары маңызды шараға белсенді қатысуда.